Жәңгір хан атындағы Батыс Қазақстан аграрлық-техникалық университетіне Қытай Халық Республикасының Тарим университеті делегациясы ресми жұмыс сапарымен келді.
Делегацияны университеттің вице-президенті Ван Чэнтао бастап келді. Кездесу барысында БҚАТУ ректоры Асқар Наметов пен университет басшылығы қытайлық әріптестермен ынтымақтастықты одан әрі дамытудың перспективалық бағыттарын және бірлескен бастамаларды іске асыру мүмкіндіктерін талқылады.
Сапардың негізгі қорытындысына тоқталсақ:
- Ынтымақтастық туралы шартты ұзарту. Тараптар білім беру және ғылыми-зерттеу салаларындағы бірлескен жұмысты жалғастыруға мүдделі екендерін растады.
- Академиялық және ғылыми өзара іс-қимылды дамыту. Студенттер мен оқытушылардың академиялық алмасуын кеңейту, бірлескен білім беру және ғылыми жобаларды іске асыру, сондай-ақ ортақ іс-шаралар өткізу мүмкіндіктері талқыланды.
- Қытай тілі орталығы. БҚАТУ базасында қытай тілін оқыту және үйрету орталығын құру мүмкіндігі қарастырылды. Бұл бастама қазіргі уақытта талқылау және жоспарлау кезеңінде тұр әрі серіктестіктің перспективалық бағыттарының бірі ретінде қарастырылып жатыр.
- Практикалық өзара іс-қимыл. Тарим университетінің делегациясы БҚАТУ-дың зертханалық базасымен танысып, ғалымдармен және бейінді институттардың басшыларымен кездесті. Кездесулер барысында тараптар бірлескен ғылыми жобаларды іске асырудың перспективаларын айқындады.
Сапар соңында жоғары оқу орындары арасындағы өзара құрмет пен берік серіктестік қатынастардың нышаны ретінде естелік сыйлықтар табысталды.
