Ағымдағы жылдың 22 ақпанында Мансап және бизнес-серіктестік орталығының ұйымдастыруымен Қазақстан Республикасы Мемлекеттік қызмет істері агенттігінің Батыс Қазақстан облысы бойынша департаментінің мемлекеттік қызмет басқармасының басшысы Венера Нұрахметқызы Масимова университеттің жас оқытушыларымен және қызметкерлерімен кездесті. Жиын өңірлік кадрлық резервке іріктеу тәртібін түсіндіруге арналды. Жиын барысында өңірлік кадрлық резервке қойылатын талаптар мен іріктеу тетігі жан-жақты талқыланды. Қатысушыларға өздерін қызықтырған сұрақтарға жауап алуға мүмкіндік берілді.
