Практикалық сабақтарды өткізу және кәсіби дағдыларды дамыту мақсатында ағымдағы жылдың 28-29 қыркүйегінде «Мұнай, газ және химиялық инженерия» оқытушылары А.А.Сарсенова және Р.И. Джусупкалиева НГДР-42, НГДР-41, НГДБ-42, НГДБ-41 топтарының білім алушыларымен бірге «Конденсат» АҚ мұнай өндеу зауытына экскурсияға барды. Экскурсия алдында оқушыларға қауіпсіздік техникасы бойынша алғашқы нұсқауы беріліп, жұмысты орындаудағы жалпы қауіпсіздік талаптары түсіндірілді. Экскурсия кезінде білім алушылар зауыттың өндірістік қызметінің ұйымдастырылуынан және кәсіпорын құрылымынан хабардар болды. Білім алушылар зауыттың орталық басқару пультімен, сонымен қатар негізгі өндірістік қондырғылармен танысты.
